ჩინეთმა დაადასტურა, რომ მიმდინარე კვირაში პეკინში ევროკავშირთან მაღალი დონის სამიტი გაიმართება, ინფორმაციას Reuters-ი ავრცელებს.
ევროკომისიის პრეზიდენტი ურსულა ფონ დერ ლაიენი და ევროპული საბჭოს პრეზიდენტი ანტონიო კოშტა პეკინში 24 ივლისს ჩავლენ, სადაც სი ძინპინს შეხვდებიან.
პეკინში ევროკავშირთან მაღალი დონის შეხვედრა დიპლომატიური ურთიერთობების 50 წლისთავის აღსანიშნავი ღონისძიების ფარგლებში გაიმართება.
როგორც Reuters-ი წერს, შეხვედრა გლობალური სავაჭრო ურთიერთობების გამწვავების ფონზე ტარდება, მაშინ, როცა პეკინი ცდილობს ბლოკთან უფრო მჭიდრო ეკონომიკური და პოლიტიკური კავშირების დამყარებას, რათა თავიდან აიცილოს შეერთებულ შტატებთან ურთიერთობაში არსებული გაურკვევლობა.
