საქართველო ერთადერთი ქვეყანაა რეგიონში, სადაც უფრო მეტი ადამიანი ბრუნდება, ვიდრე მიდის, _ ამის შესახებ საქართველოს პრეზიდენტმა მიხეილ სააკაშვილმა სოფელ კაჭრეთში პროფესიული ცენტრის რეაბილიტერებული შენობის გახსნისას განაცხადა.
მისი თქმით, ეს კიდევ ერთი მანიშნებელია იმისა, რომ საქართველო გახდა პერსპექტიული ქვეყანა.
"იცით, რომ ეს სასწავლებელი გარემონტდა და ბევრად გაფართოვდება სტუდენტთა რაოდენობა. ჩვენ გვაქვს ძალიან კარგი შანსი და მე ძალიან კარგად ვიცი თუ როგორ უჭირს ჩვენს ხალხს, პენსიონერებს. მე ვიცი რა რთულია ყოველდღიური ბრძოლა არსებობისთვის მაგრამ ამავე დროს არ დაგვავიწყდეს, რომ ჩვენ ვართ ერთადერთი ქვეყანა ამ რეგიონში, სადაც უფრო მეტი ადამიანი ბრუნდება, ვიდრე მიდის. ახალგაზრდობა ძირითადად აღარ ტოვებს საქართველოს. ანუ გაჩნდა პერსპექტივა რომ თქვენ გაქვთ აქ მომავალი. და ეს არის ჩვენი მთავარი შანსი. ისევე როგორც შობადობა არის დადებითი ბოლო 3 წელი. რაც ნიშნავს იმას, რომ აზრი აქვს ახალგაზდრობის გამოჩენას ასპარეზზე. ამ ყევლაფრის ფონზე უნდა ვიყოთ იმედიანად. ამ ტალღასაც ინფლაციის და მსოფლიო პრობლემებს გავუძლებთ და გამოვალთ გაძლიერებულები. ჩვენ უნდა დავინახოთ ჩვენი პლიუსები და ეს გავზარდოთ და გავაღრმავოთ და მერე ჩვენს ბედს ძაღლი არ დაჰყეფს", - განაცხადა პრეზიდენტმა.
