სატრანსპორტო ადმინისტრაციის რეორგანიზაციასთან დაკავშირებით მთავრობა პარლამენტში საკანონმდებლო ინიციატივით შევიდა.
როგორც მთავრობის საპარლამენტო მდივანმა გია ხუროშვილმა "ჯი-ეიჩ-ენს" განუცხადა, ბოლო პერიოდში სატრანსპორტო ადმინისტრაციების მუშაობის კუთხით გარკვეული პრობლემები დაფიქსირდა და ევროკავშირმაც აღნიშნული სფეროს რეფორმირება მოითხოვა.
"სატრანსპოეტო ადმინისტრაციები საჯარო სამართლის პირებად გადაკეთდება. მივიღეთ გადაწყვეტილება, რომ საავტომობილო, ასევე საჰაერო და საზღვაო ადმინისტრაციები დაიშალოს. ისინი შეისწვალიან ყველა იმ პრობლემატიკას, რომელიც საერთაშორისო ასპარეზზე არსებობს, რათა მაქსიმალურად ეფექტურად წარმართონ თავიანთი საქმიანობა", - აღნიშნა ხუროშვილმა.
მისივე თქმით, ცალკეული დებულები, რომელიც აღნიშნულ პროექტშია მოცემული დეტალური განხილვის საგანი გახდება.
"ეს ეხება საქალაქო, შიდა გადაყვანებს, რადგან, როცა ადამიანი მგზავრობს, მან უნდა იცოდეს, რომ ერთი პუნქტიდან მეორემდე უსაფრთხოდ მივა. კანონპროექტი აღნიშნულთან დაკავშირებით კონკურსის ჩატარების წესსაც ითვალისწინებს", - აღნიშნა მთავრობის საპარლამენტო მდივანმა.
