ფინანსთა მინისტრის კახა ბაინდურაშვილის განმარტებით, ქვეყანაში იმპორტირებული ინფლციაა და ქვეყნის ხელისუფლებამ ყველაფერი უნდა გააკეთოს იმისათვის, რომ ის შიდა ინფლაციაში არ გადაიზარდოს.
"ინფლაცია არს ერთი-ერთი მნიშვნელოვანი პრობლემა, რომელიც დღეს მოსახლეობას აწუხებს. ქვეყანაში პროდუქციაზე ფასებია გაზრდილი, განსაკუთრებით სასურსათო პროდუქციაზე. ეს არის იმპორტირებული ინფლაცია, მაგრამ ეს რომ შიდა ინფლაციაში არ გადაზარდოს, ამისათვის ფისკალური და მონეტარული პოლიტიკის კოორდინაცია და უფრო გამკაცრება საჭირო, რაც კეთდება კიდეც"- აცხადებს ფინანსთა მინისტრი.
კახა ბაინდურაშვილის განმარტებით, მთავრობამ ყველაფერი უნდა გააკეთოს იმისათვის, რომ ბიუჯეტი პროფიციტული იყოს.
"ჩვენ უნდა ვეცადოთ, რომ პროფიციტული ბიუჯეტი გვქონდეს, რასაც თან ახლავს ეროვნული ბანკის პოლიტიკა, რომელიც მონეტარულ პოლიტიკას თანდათან ამკაცრებს. ეს კი იმედს გვაძლევს და დარწმუნებული ვართ, რომ ეს ყველაფერი ძირითად ინფლაციაში არ გადაიზრდება"- აცხადებს კახა ბაინდურაშვილი.
მინისტრის თქმით, ინფლაციის წინააღმდეგ ბრძოლა ორი მიმართულებით შეიძლება.
"რაც შეეხება ზოგადად მთავრობის პოლიტიკას ის ორი ინსტრუმენტისგან შედგება: ერთია მოკლევადიანი, ხოლო მეორე გრძელვადიანი. მოკლევადიანი პოლიტიკაა, რომ ინფლაცია უფრო არ გაძლიერდეს. გრძელვადიანის მხრივ კი ერთი გამოსავალი არსებობს, ესაა წარმოების გაზრდა"- აცხადებს მინისტრი.
ბაინდურაშვილის თქმით, ქვეყანაში მოხმარებული სასურსათო საქონლის უდიდესი ნაწილი იმპორტირებულია და ამიტომ ფასების შეჩერება რთულია.
"ერთადერთი პროგრამა, რითაც ინფლაციას და ფასების ზრდას ვუპირისპირდებით, ეს არის სოფლის მეურნეობის დივერსიფიკაცია"- აცხადებს ფინანსთა მინისტრი.
