აშშ-ის პრეზიდენტმა დონალდ ტრამპმა, რუსეთის ლიდერ ვლადიმირ პუტინთან საუბრის შესახებ მედიასთან გაკეთებულ ბოლო კომენტარში განაცხადა, რომ რუსეთის პრეზიდენტი ომის დასრულებას არ აპირებს. მისი თქმით, დღეს უკრაინის პრეზიდენტთან, ვოლოდიმირ ზელენსკისთან სატელეფონო საუბარს გეგმავს.
ტრამპმა რამდენჯერმე გაიმეორა, რომ პუტინთან საუბრით „ძალიან იმედგაცრუებული“ იყო და კიდევ ერთხელ გაიმეორა, რომ „ის პრეზიდენტი რომ ყოფილიყო, ეს ომი არ მოხდებოდა“.
„პრეზიდენტ ზელენსკისთან ვისაუბრებ. ძალიან იმედგაცრუებული ვარ [პუტინთან] საუბრით. არ მგონია, რომ ის გაჩერებას აპირებდეს. და ეს ცუდია. ეს ყველაფერი ბაიდენის ბრალია, ეს მისი ომია,“ - განაცხადა ტრამპმა.
