გასულ ღამეს რუსეთის ლიპეცკის ოლქში მდებარე უპილოტო საფრენი აპარატების აკუმულატორების მწარმოებელ ქარხანაზე დრონებით თავდასხმა განხორციელდა.
რეგიონის გუბერნატორმა, იგორ არტამონოვმა, განაცხადა, რომ „იელეცში ერთ-ერთი საწარმოს ავტოსადგომზე დრონის ჩამოვარდნის შემდეგ ხანძარი გაჩნდა “.
მისი თქმით, არავინ დაშავებულა და მსხვერპლი არ არის, მიმდებარე საწარმოებიდან თანამშრომლების ევაკუაცია განხორციელდა.
იგორ არტამონოვს საწარმო არ დაუსახელებია, თუმცა, როგორც Telegram-არხი Astra ადგილობრივ მაცხოვრებლებზე დაყრდნობით წერს, საუბარია ქარხანა „ენერგიაზე“
ამავდროულად, Telegram-ის არხები აქვეყნებენ ვიდეოებს, სადაც ნაჩვენებია ხანძარი ქარხნის ტერიტორიაზე უპილოტო საფრენი აპარატის დარტყმის შემდეგ.
როგორც Telegram-ის არხი Astra წერს, კადრებში ჩანს, რომ ერთ-ერთი უპილოტო საფრენი აპარატი ქარხნის მახლობლად ასფალტს შეეჯახა და ხანძარი საწარმოს ტერიტორიაზე გაჩნდა.
ASTRA-ს თანახმად, ფოტოებსა და ვიდეოებზე რეალურად ჩანს ქარხანა ენერგიის“ ტერიტორია, ასევე მისი მთავარი შენობა.
ასევე ვრცელდება ინფორმაცია, რომ ერთ-ერთი დრონის ნამსხვრევები ლიპეცკის ოლქში კერძო საცხოვრებელ შენობას დაეცა, რის შედეგადაც 1954 წელს დაბადებული ქალი დაიღუპა და კიდევ ორი ადამიანი დაშავდა.
გარდა ამისა, დრონი იელეცში მშენებარე საცხოვრებელი კორპუსს დაეჯახა. დაზიანებულია ფანჯრები. ახლომდებარე სახლების მაცხოვრებლები ევაკუირებულები არიან, არავინ დაშავებულა. „ენერეგია“ რუსეთში ქიმიური ენერგიის წყაროების მწარმოებელი უდიდესი საწარმოა.
ქარხანა სპეციალიზირებულია საყოფაცხოვრებო, ზოგადი სამრეწველო და სპეციალური აღჭურვილობის, კერძოდ, ავიაციის, სამოქალაქო მდინარისა და საზღვაო ფლოტების, რადიოინჟინერიისა შემუშავებასა და წარმოებაში.
ეს ქარხანაზე თავდასხმის მეორე შემთხვევაა ბოლო სამი თვის განმავლობაში. ბოლოს მასზე თავდასხმა მაისში განხორციელდა.
თავდასხმის შემდეგ სატელიტურ ფოტოევზე ჩანს, რომ ქარხანას მნიშვნელოვანი ზიანი მიადგა.
