ირანის პრეზიდენტმა მასუდ პეზეშქიანმა განაცხადა, რომ ქვეყანა დაიცავს აშშ-ის პრეზიდენტის, დონალდ ტრამპის მიერ გამოცხადებულ ცეცხლის შეწყვეტის შეთანხმებას, თუ ისრაელიც დაიცავს მის პირობებს. ამის შესახებ ინფორმაციას ირანის სახელმწიფო საინფორმაციო სააგენტო ავრცელებს.
მალაიზიის პრემიერ-მინისტრ ანვარ იბრაჰიმთან სატელეფონო საუბრისას პეზეშქიანმა განაცხადა, რომ თუ ისრაელი „არ დაარღვევს ცეცხლის შეწყვეტის შეთანხმებას, ირანიც არ დაარღვევს მას“.
„ირანელმა ხალხმა კიდევ ერთხელ აჩვენა, რომ გარკვეული პრობლემებისა და წყენების მიუხედავად, ისინი ბოლომდე ერთიანები იქნებიან მტრის შემოჭრის წინააღმდეგ“, - განაცხადა ირანის პრეზიდენტმა.
