ლატვიის სეიმამ მიიღო კანონი ეროვნული უსაფრთხოებისთვის საფრთხის შემცველი ტრანზაქციების შეზღუდვის შესახებ, რომელიც რუსეთისა და ბელარუსის მოქალაქეებს ქვეყანაში უძრავი ქონების შეძენას უკრძალავს.
მედიის ცნობით, აკრძალვა ვრცელდება როგორც ფიზიკურ პირებზე - რუსეთის ფედერაციისა და ბელარუსის მოქალაქეებზე, ასევე ამ ქვეყნებში რეგისტრირებულ იურიდიულ პირებზე.
აღნიშნული მხოლოდ კანონის ძალაში შესვლის შემდეგ დადებულ გარიგებებზე გავრცელდება; ადრე შეძენილი უძრავი ქონება შეიძლება რუსებისა და ბელარუსების საკუთრებაში დარჩეს.
ლატვიის მიერ გაცემული მუდმივი ბინადრობის ნებართვის მფლობელებზე აკრძალვა არ ვრცელდება, თუ საქმე ერთი საცხოვრებლის შეძენას ეხება. ასევე, რუსეთის ფედერაციის მოქალაქეებს შეუძლიათ ლატვიაში ქონების მემკვიდრეობით მიღება ნათესავებისგან.
