სერბეთის პრეზიდენტი უკრაინაში, ქალაქ ოდესაში რეგიონულ სამიტს დაესწრო.
ალექსანდრ ვუჩიჩმა სამიტზე განაცხადა, რომ სერბეთს შეუძლია, დაეხმაროს უკრაინას დაზარალებული რეგიონების აღდგენაში. იუწყება Reuters
თუმცა სერბეთის ლიდერმა სამიტის ბოლოს ერთობლივ დეკლარაციაზე ხელის მოწერისგან თავი შეიკავა.
ვუჩიჩმა განაცხადა, რომ ოდესაში ვიზიტით მან რუსეთს არ უღალატა, როგორც ამას ზოგიერთი სერბული მედიასაშუალება ამტკიცებს და, მისი თქმით, ის კვლავ ერთადერთია, ვინც ოდესის სამიტის დეკლარაციას ხელი არ მოაწერა.
„მათგან [სავარაუდოდ, სამიტის სხვა მონაწილეებისგან] განსხვავებით, რომლებიც მზად არიან მიიღონ ყველაფერი, რაც რუსეთის წინააღმდეგ არის მიმართული, ყველაფერი, რაც შეუძლიათ“, - თქვა ვუჩიჩმა.
მან დასძინა, რომ სერბეთი იცავს საერთაშორისო საჯარო სამართლის ინტერესებს და ყოველთვის საკუთარი ინტერესებით ხელმძღვანელობს.
„მე ვამაყობ სერბეთის პოლიტიკით, ჩვენი დამოუკიდებლობით, ჩვენი ავტონომიით და ჩვენ ამას გავაგრძელებთ“, - ხაზგასმით აღნიშნა სერბეთის პრეზიდენტმა.
ალექსანდრ ვუჩიჩის გარდა, სამიტს 12 ქვეყნის მაღალჩინოსანი ესწრებოდა, რომლებსაც უკრაინის პრეზიდენტმა, ვოლოდიმირ ზელენსკიმ უმასპინძლა. სტუმრებს შორის იყვნენ მოლდოვის პრეზიდენტი მაია სანდუ და რუმინეთის პრეზიდენტი ნიკუშორ დანი.
12-წლიანი მმართველობის პირობებში სერბეთის პრეზიდენტი ალექსანდრ ვუჩიჩი უკრაინაში პირველად ჩავიდა.
