აშშ-ის პრეზიდენტმა დონალდ ტრამპმა განაცხადა, რომ მილიარდერ ილონ მასკთან, ურთიერთობის აღდგენას არ გამორიცხავს, თუმცა პოტენციური შერიგება მისი მთავარი პრიორიტეტი არ არის.
ამის შესახებ მან The New York Post-ის მიმომხილველ მირანდა დევაინთან საუბრისას განაცხადა.
„მისმინეთ, არანაირი წყენა არ მაქვს. ძალიან გამიკვირდა, რომ ეს მოხდა. ის ფენომენალურ კანონპროექტს ისახავდა მიზნად... ის უბრალოდ... ვფიქრობ, სინამდვილეში ძალიან ნანობს, რომ ეს თქვა“, - განაცხადა ტრამპმა.
მან ასევე აღნიშნა, რომ იმედგაცრუებულია მასკით და დასძინა, რომ მას არაფერში ადანაშაულებს.
როდესაც აშშ-ის პრეზიდენტს ჰკითხეს, შესაძლებელია თუ არა მასკთან კარგი ურთიერთობების აღდგენა, მან თქვა, რომ შესაძლენელია, მაგრამ, როგორც მან აღნიშნა, ჯერ ქვეყანაში წესრიგი უნდა დაამყარონ.
„და ჩემი ერთადერთი ფუნქცია ახლა არის ეს ქვეყანა დავაბრუნო უფრო მაღალ დონეზე, ვიდრე ის ოდესმე ყოფილა. და მე ვფიქრობ, რომ ჩვენ ამის გაკეთება შეგვიძლია“, - აღნიშნა ტრამპმა.
