უკრაინასა და რუსეთს შორის ტყვეების მორიგი გაცვლა შედგა სტამბოლში მიღწეული შეთანხმების ფარგლებში. კერძოდ, უკრაინამ რუსეთის ტყვეობიდან დაიბრუნა მძიმედ დაჭრილები და ჯანმრთელობის მქონე პირები.
„ჩვენ ვაგრძელებთ ჩვენი ხალხის დაბრუნებას, რაზეც სტამბოლში შევთანხმდით.
დღეს ჩვენი მძიმედ დაჭრილი და დაჭრილი ჯარისკაცების რუსული ტყვეობიდან დაბრუნების პირველი ეტაპია. ყველას სასწრაფო სამედიცინო დახმარება სჭირდება. ეს მნიშვნელოვანი ჰუმანიტარული აქტია...
გაცვლის პროცესი უნდა გაგრძელდეს. ჩვენ ყველაფერს ვაკეთებთ იმისათვის, რომ ვიპოვოთ და დავიბრუნოთ ტყვეობაში მყოფი თითოეული ადამიანი. მადლობელი ვარ ყველასი, ვინც გვეხმარება,“ - განაცხადა უკრაინის პრეზიდენტმა ვოლოდიმირ ზელენსკიმ.
ტყვეების საკითხზე მომუშავე საკოორდინაციო შტაბის ცნობით, გათავისუფლებულებს შორის არიან მარიუპოლის დამცველები. შტაბში აღნიშნავენ, რომ უსაფრთხოებიდან გამომდინარე გათავისუფლებული პირების ზუსტ რაოდენობას გაცვლის პროცესის დასრულების შემდეგ გამოაცხადებენ.
უკრაინასა და რუსეთს შორის ტყვეების გაცვლა გუშინაც შედგა, რის შედეგადაც უკრაინამ დაიბრუნა 25 წლამდე ასაკის სამხედროების პირველი ჯგუფი.
