უკრაინის პრეზიდენტი ვოლოდიმირ ზელენსკი გამოეხმაურა ამერიკელი კოლეგის, დონალდ ტრამპს, რომელმაც რუსეთი და უკრაინა „პარკში მოჩხუბარ ბავშვებს“ შეადარა.
ზელენსკის ჰკითხეს, ფიქრობს თუ არა, რომ ტრამპი ოვალურ კაბინეტში გაკეთებული კომენტარების გათვალისწინებით, უკრაინაში არსებულ ტანჯვის მასშტაბებს აცნობიერებს.
„მე და პუტინო არ ვართ ბავშვები პარკის სათამაშო მოედანზე. ის მკვლელია, რომელიც ამ პარკში ბავშვების მოსაკლავად მოვიდა“, - თქვა ზელენსკიმ.
უკრაინის პრეზიდენტმა აღნიშნა, რომ ტრამპს სრულად არ შეუძლია უკრაინელების ტკივილის შეგრძნება და გაგება.
„საქმე პრეზიდენტ ტრამპს არ ეხება, საქმე ნებისმიერ ადამიანს ეხება, რომელიც არ იმყოფება აქ, ქვეყანაში, ათასობით მილის დაშორებით და ვერ გრძნობს და არ ესმის ეს ტკივილი“, - თქვა მან.
ზელენსკის თქმით, სრულმასშტაბიანი შემოჭრის დაწყებიდან უკრაინაში რუსული აგრესიის შედეგად 631 ბავშვი დაიღუპა.
შეგახსენებთ, ტრამპმა ცოტა ხნის წინ ილაპარაკა ვლადიმირ პუტინთან სატელეფონო საუბრის დეტალებზე,
„ხანდახან ხედავთ ორ პატარა ბავშვს, რომლებიც გიჟებივით ჩხუბობენ. მათ ერთმანეთი სძულთ და პარკში ჩხუბობენ, შენ კი ცდილობ მათ გაშველებას. მათ არ სურთ, რომ გააშველონ. ზოგჯერ უმჯობესია, მათ ცოტა ხნით ბრძოლის საშუალება მივცეთ და შემდეგ დავაშოროთ“, - აღნიშნა მაშინ ამერიკის პრეზიდენტმა.
