აშშ-მა ირანის წინააღმდეგ სანქციათა ახალიპაკეტი გამოაცხადა, რომელსაც 10 ფიზიკური და 27 იურიდიული პირი დაექვემდებარება.
ამის შესახებ აშშ-ის სახელმწიფო დეპარტამენტის პრესსამსახურის მიერ გავრცელებულ განცხადებაშია ნათქვამი.
აშშ-ის ხელისუფლების წარმომადგენლები აცხადებენ, რომ სანქცირებული კომპანიები და ფიზიკური პირები ჩართულნი იყვნენ სქემაში, რომლითც „მილიარდობით დოლარის გათეთრება მოახერხეს“. ეს მიღწეული იქნა „ნავთობისა და სხვა საქონლის გაყიდვით“ ამერიკული სანქციების გვერდის ავლით.
აშშ-ის ფინანსთა დეპარტამენტის უცხოური აქტივების კონტროლის ოფისის ვებგვერდზე გამოქვეყნებული მონაცემების თანახმად, შეზღუდვები დაწესდა ირანის ცხრა მოქალაქესა და ჩინეთის ერთ მოქალაქეზე.
გარდა ამისა, შემზღუდავ ზომებს 27 კომპანია დაექვემდებარა, რომელთაგან 17 ჰონგ-კონგშია დაფუძნებული, 5 - არაბთა გაერთიანებულ საამიროებში და ამდენივე - ირანში.
სანქციების სიაში შეყვანა ნიშნავს შეერთებულ შტატებში აქტივების გაყინვას და ამერიკის მოქალაქეებისა და კომპანიებისთვის სიაში შესულ პირებთან ბიზნესის კეთების აკრძალვას.
