სტამბოლში უკრაინისა და რუსეთის დელეგაციებს შორის მოლაპარაკებები დაიწყო, რომლის დროსაც მხარეები ცეცხლის შეწყვეტის ინიციატივებსა და ომის დასრულების ფორმულებს წარადგენენ.
როგორც უკრაინის საგარეო საქმეთა სამინისტროში აღნიშნავენ, მოლაპარაკებები თურქული მხარის თანდასწრებით მიმდინარეობს.
კერძოდ, დარბაზში, სადაც მოლაპარაკებები მიმდინარეობს, თურქეთის საგარეო საქმეთა მინისტრი ჰაკან ფიდანი იმყოფება.
ასევე გავრცელდა ინფორმაცია, რომ შეხვედრას თურქეთის ეროვნული დაზვერვის სამსახურის (MIT) ხელმძღვანელი იბრაჰიმ კალინი დაესწრება.
უკრაინის დელეგაციას უკრაინის თავდაცვის მინისტრი რუსტემ უმეროვი ხელმძღვანელობს, რუსეთის დელეგაციას კი რუსეთის პრეზიდენტის თანაშემწე ვლადიმირ მედინსკი.
