28 მაისის ღამეს, უკრაინის უსაფრთხოების ძალების შორ მანძილზე მოქმედმა დრონებმა რუსეთის სამხედრო-სამრეწველო კომპლექსის სტრატეგიულ საწარმო - „რადუგაზე, რომელიც მდებარეობს ქალაქ დუბნაში, მოსკოვიდან ჩრდილოეთით 130 კილომეტრში.
უკრაინის შეიარაღებული ძალების გენშტაბის ცნობით, თავდასხმის დროს უკრაინულმა დრონებმა გვერდი აუარეს რუსეთის დედაქალაქის დამცავი საჰაერო თავდაცვის სისტემას და დაარტყეს საწარმოს, სადაც ამჟამად ხანძარი მძვინვარებს.
ქარხანა კორპორაცია „ტაქტიკური სარაკეტო შეიარაღების“ ნაწილია და აწარმოებს სხვადასხვა კლასის ფრთოსან რაკეტებს: „ჰაერი-ჰაერი“, „ჰაერი-მიწა“ და „მიწა-მიწა“. მათ შორის Kh-101/555, Kh-69, Kh-59MK ტიპის რაკეტებს, რომლითაც რუსეთის ფედერაცია ატერორებს უკრაინაში მოსახლეობას და სამოქალაქო ობიექტებს.
ასევე ღამით, უკრაინულმა დანაყოფებმა დარტყმა მიაყენეს კომპანია „ანგსტრემს“ რუსეთის ფედერაციის მოსკოვის ოლქში.
კომპანია ავითარებს და აწარმოებს მიკროელექტრონული კომპონენტების ბაზას, რომელსაც ფართოდ იყენებენ რუსეთის სამხედრო-სამრეწველო კომპლექსის საწარმოები.
გარდა ამისა, მანამდე, უკრაინის შეიარაღებული ძალების უპილოტო სისტემების ძალებმა წარმატებით შეუტიეს რუსეთის ივანოვოს ოლქში მდებარე დმიტროვის ქარხანას.
ქარხნის ტერიტორიაზე აფეთქებები დაფიქსირდა. საწარმო ორგანულ ქიმიკატებს - ასაფეთქებელი ნივთიერებებისა და დენთის კომპონენტებს, ასევე რაკეტისა და საავიაციო საწვავის დანამატებს აწარმოებს.
