შეშფოთებული ვართ საქართველოში დემოკრატიული უკუსვლით, აქტივისტების დაშინებითა და დაკავებებით, - ამის შესახებ კანადის საგარეო საქმეთა სამინისტროში ტელეკომპანია "ფორმულას" განუცხადეს.
"კანადის საგარეო საქმეთა სამინისტროსათვის ცნობილია საქართველოში პარტია "გირჩი-მეტი თავისუფლების" ლიდერის ბატონი ზურაბ ჯაფარიძის დაკავების შესახებ.
კანადამ გამოთქვა შეშფოთება ბოლოდროინდელი დემოკრატიული უკუსვლის გამო, მათ შორის ცნობებზე მშვიდობიანი დემონსტრანტების დაშინებისა და პოლიტიკური და სამოქალაქო აქტივისტების დაკავების შესახებ.
კანადა მხარს უჭერს ძალისხმევას საქართველოს დემოკრატიული ინსტიტუტების გაძლიერებისა და ადამიანის უფლებებისადმი პატივისცემის გასაუმჯობესებლად", - აღნიშნულია განცხადებაში.
