მოქალაქე, ნინი ქემაშვილი წერს, რომ პოლიციამ მისი ძმა, უჩა ქემაშვილი დააკავა.
"ჩემი ძმა დააკავეს... კორპუსიდან ვუყურებდი და 25 ადამიანი 1 კაცს გამოყვა... რომ ჩავედი პასუხიც არ გამცეს რის გამო აკავებდნენ", - წერს ნინი ქემაშვილი.
მოგვიანებით, ნინი ქემაშვილმა ახალი პოსტი დაწერა და ვიდეო გამოაქვეყნა, რომელშიც უჩა ქემაშვილი აქციაზე "ქართული ოცნების" დროშას წვავს.
"თურმე რის გამო დაუკავებიათ... რუსთაველიდან ვარკეთილამდე გამოჰყვნენ... სავარაუდოდ მეტროთი წამოვიდოდა ჩემი ძმა, რადგან აქ ჰყავდა მანქანა გაჩერებული... მეტროში აედევნენ და იცოდნენ სად მოდიოდა... 35 ადამიანი 1 კაცის დასაჭერად გამოუშვეს ხალხო. მე ამ ყველაფერს ფანჯრიდან ვუყურებდი და მერე ჩავქანდი დაბლა. გვიან მივხვდი რა ხდებოდა. არადა ჩემი ძმა არ არის ჩხუბის თავი... მანქანის კარი მიიხურა და გამოუღეს, ხელი მოკიდეს და გადმოიყვანეს, შეიყვანეს ბნელ ადგილას და იქ ჩასვეს სხვა მანქანაში", - დაწერა ქემაშვილმა.
უჩა ქემაშვილი 26 მაისს რუსთაველის გამზირზე გამართულ აქციაში იღებდა მონაწილეობას.
