ევროკავშირისგან და აშშ-სგან იზოლირებული საქართველო “ქართული ოცნების” მხარდამჭერების ძალიან დიდი ნაწილისთვის მიუღებელია - ამის შესახებ საქართველოს მეხუთე პრეზიდენტმა სალომე ზურაბიშვილმა “ფორმულას“ გადაცემაში "ხალხთან ერთად" განაცხადა.
ზურაბიშვილის განცხადებით, „ქართულმა ოცნებამ“ აიყვანა ლობისტები, თუმცა არაფერი გამოუვიდათ.
„ევროკავშირისგან და აშშ-სგან იზოლირებული საქართველო „ქართული ოცნების“ მხარდამჭერების ძალიან დიდი ნაწილისთვის მიუღებელია. ვისაც შეიძლება კიდევ აჯერებენ, რომ შეიძლება სააკაშვილის ნაციონალური პარტია დაბრუნდეს და ამისი ეშინიათ, მაგრამ კიდევ უფრო მათ ეშინიათ იზოლაციის და რუსეთთან პირისპირ დარჩენის. ეს, მემგონი, ძალიან ცოტას თუ უნდა საქართველოში. ამიტომ ატყუებდა აქამდე ბიძინა ივანიშვილი, რომ აი დავალაგებთ. ისიც ვიცით, რომ აიყვანეს ლობისტები, იხადეს თანხები, თუმცა არაფერი გამოუვიდათ არც ტრამპთან, არც რუბიოსთან და კონგრესთან ხომ საერთოდ. ძალიან ვწუხვარ, რომ მათ ხელში საქართველო მართლაც მიდის იზოლაციისკენ“, - განაცხადა ზურაბიშვილმა.
