ისრაელის საელჩოს თანამშრომლებზე თავდასხმას აშშ-ის პრეზიდენტი ეხმიანება. დონალდ ტრამპი საკუთარ სოციალურ ქსელში წერს, რომ თანაუგრძნობს დაღუპულთა ოჯახის წევრებს.
„საზარელი მკვლელობა ვაშინგტონში, რომელიც აშკარად ანტისემიტიზმზეა დაფუძნებული, ახლავე უნდა დასრულდეს. სიძულვილისა და რადიკალიზმის ადგილი აშშ-ში არ არის. სამწუხაროა, რომ მსგავსი რაღაცები ხდება“, – წერს ტრამპი.
შეგახსენებთ, ვაშინგტონში, ებრაულ მუზეუმთან, ისრაელის საელჩოს ორი თანამშრომელი მოკლეს. თავდამსხმელი დაკავებისას სკანდირებდა: „თავისუფლება პალესტინას!“
