კომერციული ბანკების საკრედიტო დაბანდების მოცულობა (არარეზიდენტებზე გაცემული სესხების ჩათვლით), 2010 წლის დეკემბერში, წინა თვესთან შედარებით, 3.9 პროცენტით, ანუ 235.0 მლნ ლარით გაიზარდა და მიმდინარე წლის 1-ლი იანვრისათვის 6.3 მლრდ ლარს მიაღწია.
როორც "ჯი-ეიჩ-ენს" სები-დან აცნობეს, ამავე პერიოდში, ეროვნული ვალუტით გაცემული სესხების მოცულობა 1.1 პროცენტით, ანუ 18.4 მლნ ლარით გაიზარდა, ხოლო უცხოური ვალუტით გაცემული სესხების მოცულობა - 4.9 პროცენტით, ანუ 216.6 მლნ ლარით.
"რეზიდენტი იურიდიული პირებისათვის 2010 წლის დეკემბრის ბოლოს კომერციულ ბანკებს ეროვნული ვალუტით გაცემული ჰქონდათ 632.0 მლნ ლარის (წინა თვესთან შედარებით 2.6 პროცენტით ანუ 17.0 მლნ ლარით ნაკლები), ხოლო უცხოური ვალუტით - 3.0 მლრდ ლარის (შესაბამისად, 6.7 პროცენტით ანუ 188.3 მლნ ლარით მეტი) მოცულობის სესხი", _ იყობინება საქართველოს ეროვნული ბანკი.
შეგახსენებთ, რომ საქართველოს საბანკო სექტორი 19 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით და 2 - უცხოური ბანკის ფილიალით