უკრაინა მოელის, რომ ევროკავშირის სანქციების შემდეგი, მე-18 პაკეტი, რომელზეც მუშაობა უკვე დაწყებულია, გაითვალისწინებს რუსეთისთვის ყველაზე მტკივნეულ სექტორებს.
უკრაინა მოელის, რომ ევროკავშირის სანქციების შემდეგი, მე-18 პაკეტი, რომელზეც მუშაობა უკვე დაწყებულია, გაითვალისწინებს რუსეთისთვის ყველაზე მტკივნეულ სექტორებს.
ამის შესახებ პრეზიდენტი ვოლოდიმირ ზელენსკი Telegram-ზე წერს.
ზელენსკიმ მადლობა გადაუხადა ევროკომისიის პრეზიდენტ ურსულა ფონ დერ ლაიენს და ევროკავშირს უკვე მიღებული მე-17 სანქციების პაკეტისთვის.
„ეს სწორი მიმართულებით გადადგმული ნაბიჯია. მნიშვნელოვანია მკაცრად შეიზღუდოს რუსული ტანკერების ფლოტი, რომელიც მკვლელობების დაფინანსებას ემსახურება, ასევე ყველა ის სქემა, რომელსაც რუსეთი სამხედრო ინდუსტრიის განვითარებისთვის იყენებს.
რაც უფრო მეტი ზეწოლა იქნება რუსეთზე, მით უფრო მეტი მოტივაცია ექნება მოსკოვს რეალური იმოძრაოს მშვიდობისკენ“, - აღნიშნა ზელენსკიმ.
ამავდროულად, ზელენსკიმ აღნიშნა, რომ ფონ დერ ლაიენთან უკვე განიხილა ევროკავშირის მე-18 სანქციების პაკეტის მომზადების საკითხი.
„რუსული ნავთობი, ენერგორესურსებით ვაჭრობის ინფრასტრუქტურა, ბანკები და ფინანსური სქემები არის ის, რაც ყველაზე მტკივნეულია რუსეთისთვის და შესაბამისად, ყველაზე სასარგებლოა მსოფლიოსთვის“, - აღნიშნა ზელენსკიმ.
მან მადლობა გადაუხადა ყველას, ვინც სანქციების გაძლიერებას აუცილებლობას უჭერს მხარს და მკაცრ გადაწყვეტილებებს იღებს.
„ასევე დეტალურად განვიხილეთ გუშინდელი საუბარი პრეზიდენტ ტრამპთან და პარტნიორებთან ჩვენი ერთობლივი დიპლომატიური მუშაობა. ევროპა ამ პროცესში უნდა იყოს ჩართული და ყველა ნაბიჯი მაქსიმალურად კოორდინირებული უნდა იყოს“, - წერს ზელენსკიმ.
შეგახსენებთ, რუსეთის წინააღმდეგ სანქციების მე-17 პაკეტი მიიღო.
