ჩვენთვის მთავარი მოტივაცია არის წინააღმდეგობის გაძლიერება და “ქართული ოცნების” ჩამოცილება ძალაუფლების იმ ბერკეტებიდან, რომელიც ჯერ კიდევ გააჩნია, - ასე უპასუხა თავისუფლების მოედნის ლიდერმა, ლევან ცუცქირიძემ ფორმულას ეთერში წამყვანის შეკითხვას თუ რა არის მისი პოლიტიკური გუნდისთვის მთავარი მოტივაცია, რის გამოც სალომე ზურაბიშვილის ხელმძღვანელობით შექმნილი წინააღმდეგობის პლატფორმის წევრები არიან.
ცუცქირიძის თქმით, “ქართულ ოცნებას“ უზურპირებული აქვს სახელმწიფო ინსტიტუტები.
„მთელ საზოგადოებაზე დიქტატის დამყარებასა და ავტორიტარიზმის კონსოლიდაციას ცდილობს.
ამიტომ, ჩვენი ამოცანა წინააღმდეგობაში ჩვენი წვლილის შეტანაა. ეს პლატფორმა ერთ-ერთი ის შესაძლებლობაა, რაც ამის რესურსს იძლევა. ყველა იმ მაგიდასთან ვიქნებით, სადაც ამ წინააღმდეგობის გაძლიერების გულწრფელ სურვილს დავინახავთ. ვართ ამ პლატფორმაში და იმ საკითხებზე ვმუშაობთ, სადაც საერთო ენას ვპოულობთ. კოორდინაციაში ვართ, იქნება ეს დაგეგმვა, ერთობლივი მუშაობა თუ რაიმე სხვა“, - განაცხადა ცუცქირიძემ.
