გორში ორ ადამიანს ესროლეს. შემთხვევა წმინდაწყლის უბანში მოხდა - ინფორმაციას ადგილობრივი მედია "ქართლის ამბები" ავრცელებს.
მედიის ინფორმაციით, მამა-შვილს, წმინდაწყალზე, ერთ-ერთი საწარმოს ტერიტორიაზე იარაღიდან ესროლეს. 25 წლის მამაკაცი ადგილზე დაიღუპა, მამა კი დაიჭრა.
როგორც იუწყებიან, დაპირისპირება წინა დღეებში დაიწყო და დღეს მკვლელობით დასრულდა.
გამოძიება 19-109 მუხლით დაიწყო, რაც ერთი ან მეტი ადამიანის განზრახ მკვლელობის მცდელობას გულისხმობს, სავარაუდო დამნაშავე კი ცხელ კვალზე დააკავეს.
ფოტო: ქართლის ამბები
