ევროკომისიის პრეზიდენტი ურსულა ფონ დერ ლაიენი რუსეთის მხრიდან ბალისტიკური რაკეტებით უკრაინის ქალაქ სუმის დაბომბვას ეხმიანება.
"ამ დილით რუსულმა სისასტიკემ კვლავ იჩინა თავი - ქალაქ სუმიში კაცების, ქალებისა და ბავშვების დახოცვით.
ამ ბარბაროსულ თავდასხმას კიდევ უფრო უღირსს ხდის ის ფაქტი, რომ ადამიანები ბზობის კვირის მშვიდობიანი აღნიშვნისთვის იყვნენ შეკრებილნი.
ეს უკანასკნელი ესკალაცია დაუნდობელი შეხსენებაა, რომ რუსეთი იყო და რჩება აგრესორად, რომელიც აგრძელებს საერთაშორისო სამართლის უხეშ დარღვევას.
ცეცხლის შეწყვეტის უზრუნველსაყოფად საჭიროა ძლიერი ზომების მიღება. ევროპა რუსეთზე ძლიერი წნეხის შესანარჩუნებლად განაგრძობს პარტნიორებთან თანამშრომლობას მანამ, სანამ არ დასრულდება ეს სისხლისღვრა და არ დამყარდება უკრაინის პირობებისა და მოთხოვნებზე დაფუძნებული მდგრადი და სამართლიანი მშვიდობა.
დღევანდელი თავდასხმის მსხვერპლნი, მათი ოჯახები და უკრაინელი ხალხი ჩვენს გულებში არიან, დღესაც და ყოველთვის.
ევროპა უკრაინელი ხალხისა და პრეზიდენტ ზელენსკის გვერდით დგას", - წერს ურსულა ფონ დერ ლაიენი.
ბოლო მონაცემებით, სუმის ცენტრზე რუსეთის ძალების ბალისტიკური რაკეტებით თავდასხმას 34 ადამიანი ემსხვერპლა, 117 დაშავდა.
