ეუთო/ოდირის დასკვნაში წერია, რომ თურმე ამერიკაში მოქმედი ქართულად ნათარგმნი კანონი დემოკრატიის საფუძვლებს არ შეესაბამება, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.
მისი თქმით, გამოდის, რომ ეუთო/ოდირი ამერიკას და დაახლოებით ასი წლის განმავლობაში მოქმედ კანონს აკრიტიკებს.
„მათ რაიმე პრეტენზიები თუ აქვთ, შეუძლიათ, ამერიკას მიმართონ და „ფარა“-ს გაუმჯობესების კუთხით ამერიკასთან ითანამშრომლონ. თუ ეუთო/ოდირს რაიმე სამართლებრივი პრობლემა აქვს, ამერიკის საელჩო დიღომშია, თეთრი სახლი – ვაშინგტონში, შეუძლიათ, ამერიკასთან ითანამშრომლონ და „ფარა“ გააუმჯობესონ, რომლის პირდაპირი თარგმანი ჩვენს ქვეყანაში მოქმედებს“, – განაცხადა გორდულაძემ.
