"ერთიანი ნეიტრალური საქართველოს წევრის, ვატო შაქარაშვილის თქმით, "დიფ სთიეთი" " უკვე მოქმედებს ტრამპის ახალი ადმინისტრაციის ხელით, რომელსაც ჯერჯერობით აქვს ქვეყნის შიგნით მაღალი მხარდაჭერა". ამის შესახებ მან რუსთავი 2-თან საუბრისას განაცხადა.
"ჯერჯერობით არ ჩანს რამე შინაარსობრივი ცვლილება და ჩვენ ვუყურებთ, რომ უფრო ტაქტიკური ხასიათის არის ცვლილებები, რომელიც ხორციელდება და რეალურად ამ ცვლილებების უკან კვლავ "დიფ სთეითი" დგას, რომელიც ამჯერად ბაიდენის დრო მოჭმული და აბსოლუტურად გაცვეთილი უუნარო ადმინისტრაციის ნაცვლად, უკვე მოქმედებს ტრამპის ახალი ადმინისტრაციის ხელით, რომელსაც ჯერჯერობით აქვს ქვეყნის შიგნით მაღალი მხარდაჭერა. რეალურად სტრატეგიული მიზნები უცვლელად რჩება, ამიტომ ჩვენ არ უნდა გვქონდეს რამე განსაკუთრებული მოლოდინები და ილუზიები იმასთან დაკავშირებით, რომ "დიფ სთეითი" მარცხდება და იცვლება ამერიკის შეერთებული შტატების სტრატეგიული მიზნები, გეოპოლიტიკური ამოცანები, ამიტომ ჩვენ კვლავ უნდა დავრჩეთ ჩვენი ქვეყნის სუვერენიტეტის დაცვის გზაზე.
ჩვენ მზად ვართ ყველასთან სათანამშრომლოდ, პარტნიორობისათვის, მაგრამ არა ჩვენი ქვეყნის ეროვნული ინტერესების ხარჯზე". - თქვა შაქარიშვილმა.
