უკრაინის პრეზიდენტმა ვოლოდიმირ ზელენსკიმ ხაზგასმით აღნიშნა, რომ სამართლიანი მშვიდობის დასამყარებლად, უკრაინა არ აღიარებს ოკუპირებულ ტერიტორიებს რუსეთის ნაწილად და არ დათანხმდება არმიის შემცირებას.
„ჩვენთვის პრიორიტეტი ჩვენი ძლიერი არმიაა, ამიტომ ეს არის „წითელი ხაზები“ -არანაირი არმიის შემცირება. სიმართალე რომ გითხრათ, ყველაფერს გავაკეთებთ იმისთვის, რომ ჯარი დარჩეს იმავე მდგომარეობაში იმ რაოდენობით, რაც დღეს აქვს. დიდი არმია, სამჯერ მეტი ვიდრე ომის დასაწყისში იყო. არმია, რომელსაც მხოლოდ მოდერნიზაცია შეუძლია. ეს ის ცვლილებებია, რაც შეიძლება მოხდეს ომის დასრულების შემდეგ. კადრების გაზრდა, მოდერნიზება...“.
ზელენსკიმ აღნიშნა, რომ უკრაინამ უნდა მიიღოს უსაფრთხოების გარანტიები, რაც მას სჭირდება.
მისი თქმით, უკრაინა დღის წესრიგში შეინარჩუნებს პარტნიორებთან (როგორიცაა ნატო) მომავალი ალიანსების საკითხს.
უკრაინის პრეზიდენტმა ასევე აღნიშნა, რომ უსაფრთხოების გარანტიები უნდა შეიცავდეს ეკონომიკურ გარანტიებს; სხვა საკითხებთან ერთად, ისინი მიმართული იქნება დაზარალებული რეგიონების აღდგენაზე.
ერთ-ერთ მთავარ წითელ ხაზად ზელენსკიმ ასევე დაასახელა მტრის მიერ ოკუპირებული ტერიტორიების რუსეთის ტერიტორიებად არაღიარება.
„სხვა გეოპოლიტიკური საკითხებია რუსეთის მიერ ოკუპირებული ტერიტორიების არაღიარება რუსეთის ნაწილად. ეს არის უკრაინის ტერიტორიები... ეს ჩვენთვის ერთ-ერთი მთავარი „წითელი ხაზია“. ყოველ შემთხვევაში, ეს არის დროებით ოკუპირებული ტერიტორიები.
სამართლიანი მშვიდობა (დადგება), როცა ყველა ეს ტერიტორია დაბრუნდება. მაგრამ თუ შეიძლება, ისე გაკეთდეს, რომ ვიპოვოთ კომპრომისი, ამ ტერიტორიების დაბრუნება მოხდეს დროთა განმავლობაში, დიპლომატიური გზით, ვფიქრობ, შესაძლოა. ეს ეხება ზოგიერთ ტერიტორიას და ეს იქნება ერთადერთი გზა ამის გასაკეთებლად“, - აღნიშნა ზელენსკიმ.
