ჯერ კიდევ დონალდ ტრამპის პირველი პრეზიდენტობის ვადის დროს, მაიკ პომპეომ საქართველოში ვიზიტისას განაცხადა, რომ დაუშვებელია ანაკლიის პორტის ჩანაცვლება ჩინური ინვესტიციებით და ივანიშვილი სწორედ ამას აკეთებს, განდევნა ამერიკული ინვესტიციები და მისი ერთადერთი მიზანია, რომ საქართველო იქცეს რუსეთის პერიფერიად, რომელსაც არ აქვს არც პოლიტიკური და არც ეკონომიკური პერსპექტივა, - ამის შესახებ “ერთიანობა ნაციონალური მოძრაობის” თავმჯდომარემ, თინა ბოკუჩავამ განაცხადა.
“თქვენ გახსოვთ, რომ დონალდ ტრამპის პრეზიდენტობის დროს, როდესაც სახელმწიფო მდივანმა, მაიკ პომპეომ ვიზიტი განახორციელა საქართველოში, ღიად თქვა, რომ დაუშვებელი იყო ანაკლიის ღრმაწყლოვან პორტში, რომელსაც ძალიან დიდი დატვირთვა აქვს რეგიონში, ჩინური ან მოჩვენებითი მეგობრებით ჩანაცვლება და მათი ინვესტიციებით იყო კატეგორიულად მიუღებელი და ეს არ წაადგებოდა არც საქართველოს და არც აშშ-ს და არც ორმხრივ ურთიერთობას. ამიტომ დონალდ ტრამპის გარემოცვა ძალიან კარგად არის ინფორმირებული და ივანიშვილმა სწორედ ეს გააკეთა, რომ განდევნა ამერიკული ინვესტიციები და ჩაანაცვლა ჩინური ინვესტიციით, მაგრამ მე დარწმუნებული ვარ, რომ ესეც ვერ მოხდება, რადგან საქართველო სხვა გეოპოლიტიკურ როლს შეიძენდა, თუმცა ყველამ ძალიან კარგად ვიცით, რომ ივანიშვილის მთავარი ამოცანაა, რომ საქართველო იყოს მივიწყებული და იქცეს რუსეთის პერიფერიად, რომელსაც ეკონომიკური და პოლიტიკური პერსპექტივა არ გააჩნია.” - განაცხასა თინა ბოკუჩავამ.
