იტალიის პრემიერ-მინისტრმა ჯორჯია მელონიმ შეშფოთება გამოთქვა დონალდ ტრამპის მიერ ევროკავშირის იმპორტზე 20%-იანი ტარიფის დაწესების გამო და მას არასწორი უწოდა. ამის შესახებ Financial Times იუწყება.
ტარიფების გამოცხადების შემდეგ მელონიმ აღნიშნა, რომ ტარიფები სარგებელს არავის მოუტანს და ძირს გამოუთხრის აშშ-ევროკავშირის ურთიერთობებს.
„ჩვენ ყველაფერს გავაკეთებთ იმისათვის, რომ მივაღწიოთ შეთანხმებას შეერთებულ შტატებთან, რათა თავიდან ავიცილოთ სავაჭრო ომი, რომელიც აუცილებლად შეასუსტებს დასავლეთს სხვა გლობალური მოთამაშეების სასარგებლოდ“, - განაცხადა მელონიმ.
აშშ-ის პრეზიდენტის, დონალდ ტრამპის მიერ სხვადასხვა ქვეყნისთვის დაწესებული ტარიფები 10%-იდან 49%-მდეა. ამასთან, ტრამპმა ევროკავშირს – 20%-იანი, დიდ ბრიტანეთს კი 10%-იანი ტარიფები დაუწესა. ასევე, ტრამპმა 25%-იანი ტარიფი დააწესა უცხოური წარმოების ყველა ავტომობილზე.
