"ქართული ოცნების" წევრი, არჩილ გორდულაძე ახალგაზრდებს მოუწოდებს, პარლამენტის სპეციალური საგამოძიებო კომისიის სხდომებს უყურონ. მისი თქმით, მნიშვნელოვანია ახალგაზრდებმა გაითავისონ, თუ ვინ "აყრის მათ თვალებში ნაცარს".
"ნაცი არ იშლის თავის ნაცობას და თავის მოღალატეობრივ საქმიანობას. არც 2003-2012 წლებში იშლიდა და ჩვენ ვიცით, რა უბედურებები ტრიალებდა ჩვენს ქვეყანაში, იქნებოდა ეს ქუჩებში თუ ოჯახებში. პირადი მაგალითით ვამბობ, დედა და მამა ერთმანეთს როცა ესაუბრებოდნენ, ტელეფონებს ვშლიდით ხოლმე, ვტოვებდით ერთ ოთახში და მეორე ოთახში გავდიოდით, რომ გვესაუბრა. აი, ასეთი დონის უბედურება ტრიალებდა ჩვენს ქვეყანაში.
საზოგადოების წევრები, განსაკუთრებით ახალგაზრდები ახლა ქილიკით რომ საუბრობენ, იცით, 2012 წელს რამდენი წლის ვიყავიო, - მე დავიბადე 1992 წელს, საერთოდ ვერ მოვესწარი კომუნისტურ რეჟიმს და რა ვთქვა ახლა, რომ კომუნისტური რეჟიმი არ არსებობდა? არ ვიცი, ვინ არიან კომუნისტები? თუ ნაცისტებზე როდესაც იქნება საუბარი, - 30-იან და 40-იან წლებში არცერთ ჩვენგანს არ გვიცხოვრია, მაგრამ ნაცისტები არ არსებობდნენ? ამ მარტივ, ერთი შეხედვით ბანალურ ფრაზას აზეპირებინებენ ადამიანებს და თავში უდებენ. პირველ რიგში, ახალგაზრდებს მოვუწოდებ, რომ კარგად დაფიქრდნენ, რას სთავაზობენ და როგორ აყრიან თვალებში ნაცარს და უყურონ საგამოძიებო კომისიის სხდომებს," - განაცხადა"ღამის კურიერის" ეთერში არჩილ გორდულაძემ.
