ივანიშვილი წლებია ერთი და იგივე სვლებით მოძრაობს – მისი ბუტკის მთავრობაში თავისი სანდო კადრი ჯერ მინისტრად შეჰყავს, შემდეგ კი ეს პირი პრემიერი ხდება -ამის შესახებ "სტრატეგია აღმაშენებლის" ერთ-ერთი ლიდერი პაატა მანჯგალაძე აცხადებს.
"ივანიშვილი წლებია ერთი და იგივე სვლებით მოძრაობს – მისი ბუტკის მთავრობაში თავისი სანდო კადრი ჯერ მინისტრად შეჰყავს, შემდეგ კი ეს პირი პრემიერი ხდება.
კობახიძის ჩანაცვლება ლილუაშვილით – ეს კონსოლიდაცია კი არა, შიდა დაპირისპირების და დაძაბულობის ნიშანია!
ოხანაშვილის გადაყვანა – დამზღვევი სვლაა, რომ ჩანაფიქრი ზედმეტი ეჭვების გარეშე განხორციელდეს.
პოლიტიკური შათდაუნი – ივანიშვილი პარალიზებულ სისტემას კობახიძეს დააბრალებს, რათა დრო მოიგოს და ხელახლა გადატვირთვა სცადოს.
ეს აღარ არის სტაბილური მმართველობა – ეს სასოწარკვეთილი მანევრებია, რომ საკუთარი რეჟიმი გადაარჩინოს!
ივანიშვილი საკუთარ ხალხსაც არ ენდობა – გუნდში ყველას ცვლის, რომ ძალაუფლება მხოლოდ მას დარჩეს!
შიდა დაპირისპირება ღრმავდება – ეს რეალურ პოლიტიკურ კრიზისზე მიანიშნებს.
ესაა არაფორმალური მმართველობა და მიტაცებული ძალაუფლება – მინისტრები იცვლებიან ბიძინას ბუტკაში, ხოლო ხალხი კვლავ ღარიბი და გაძარცვული რჩება!" - ამბობს პაატა მანჯგალაძე.
