ჩვენ ამას დავუბრუნდებით და თქვენთვის პასუხი გვექნება, - ასე უპასუხა აშშ-ის სახელმწიფო დეპარტამენტის პრესსპიკერმა ტემი ბრიუსმა საქართველოზე დასმულ შეკითხვას.
აშშ-ის სახელმწიფო დეპარტამენტში გამართულ პრესკონფერენციაზე პრესსპიკერს ჟურნალისტმა შეკითხვა დაუსვა:„გქონდათ თუ არა რაიმე კომუნიკაცია საქართველოს მმართველ პარტიასთან? და თუ ასეა, გაგვიზიარეთ თუ რა ტიპის კომუნიკაცია არსებობს თქვენს შორის ახლა? მოგეხსენებათ, რომ საქართველოში ძალიან მძიმე მდგომარეობაა. ქართველი ხალხი და საერთაშორისო საზოგადოება არ აღიარებს არჩევნების შედეგებს. დააკავეს მშვიდობიანი მომიტინგეები, ასევე დამოუკიდებელი ჟურნალისტი, რომელიც ამჟამად ციხეშია. ამ გარემოებების გათვალისწინებით, რა ხედვა გაქვთ საქართველოში არსებულ ვითარებაზე?“.
ტემი ბრიუსმა თქვა, რომ მის შეკითხვას დაუბრუნდება.
„მე მსურს ამაზე გიპასუხოთ. ჩვენ ამას დავუბრუნდებით და თქვენთვის პასუხი გვექნება“, – უპასუხა შეკითხვას ტემი ბრიუსმა. საქართველოზე ტემი ბრიუსს აღარ უსაუბრია.
