“ნაციონალური მოძრაობა” არ არის იურიდიული დოკუმენტი, რომელსაც ასე მარტივად გაანადგურებენ. “ნაციონალური მოძრაობა” არის ხალხი, რომელიც გაერთიანებულია ყველაზე ძვირფასი იდეის გარშემო - ერთიანი, ძლიერი, ქართული, მაშასადამე ევროპული სახელმწიფო.” - განაცხადა “ერთიანობა ნაციონალური მოძრაობის” პოლიტიკურმა მდივანმა, გიორგი ბარამიძემ
“მინდა რამდენიმე სიტყვით გამოვეხმაურო არალეგიტიმური პარლამენტის მიერ შექმნილ კომისიას, რომლის ამოცანაც არის “ნაციონალური მოძრაობის” განადგურება. მინდა ამ მოღალატურ რეჟიმს ვუთხრა, რომ “ნაციონალური მოძრაობა” არ არის იურიდიული დოკუმენტი. “ნაციონალური მოძრაობა” არის ის ხალხი, რომელიც გაერთიანებულია ყველაზე ძვირფასი იდეის გარშემო - ერთიანი, ძლიერი, ქართული, მაშასადამე ევროპული სახელმწიფო. ეს ნიშნავს ევროკავშირში და ნატო-ში წევრობას. “ნაციონალური მოძრაობა” არის იდეა და არა რაღაც დოკუმენტი, ამიტომ რაც არ უნდა
წრეები ურტყათ, ამ პარტიას ვერ გაანადგურებთ, ისევე როგორც ვერ გაანადგურებთ ქართველ ხალხს და იმ იდეას, რომელიც არის უზენაესი ჩვენი ხალხისთვის, რასაც ჰქვია თავისუფლება, ძლიერი, ერთიანი, დემოკრატიული, ევროპული სახელმწიფო, ამიტომ არ გამოვა მათი მცდელობები.
ნუ გგონიათ, რომ მსოფლიოში არ სცალიათ ჩვენთვის, უკრაინაში ომი მიდის, აშშ-ის ახალი ადმინისტრაცია თავის პოლიტიკას ატარებს
სხვადასხვა რეგიონთან მიმართებაში, ევროკავშირში ემზადებიან უკრაინის უფრო მეტად დასახმარებლად და ჩვენთვის და ივანიშვილისთვის არ სცხელა, ასე არ არის. გერმანიაში ახალი მთავრობა ჯერ კიდევ არ მოსულა და უკვე ვნახეთ როგორ დაასანქცირა ეს რუსული რეჟიმი. ახლა უკვე კონგრესში განიხილება მეგობარი აქტი,მოიწონეს კიდევაც ეს საგარეო კომიტეტში, ამიტომ ამ ადამიანებს ნუ ჰგონიათ, რომ მათ შერჩებათ ქართველი ხალხის შეურაცხყოფა, საქართველოს ეროვნული ინტერესების ღალატი, ის დანაშაულები, რომელსაც ისინი სჩადიან რიგითი ქართველი მოქალაქეების მიმართ და მათ მოუწევთ ამ ყველა დანაშაულზე პასუხის გება.” - განაცხადა გიორგი ბარამიძემ.
