დღეს დემოკრატიული მომავლის რწმენა საკმარისია იმისთვის, რომ ციხეშიჩაგსვან, - ამის შესახებ საქართველოს მეხუთე პრეზიდენტმა სალომე| ზურაბიშვილმა ლიეტუვის პარლამენტში, სიტყვით გამოსვლისას განაცხადა.
ზურაბიშვილმა ისაუბრა ქვეყანაში არსებულ მძიმე პოლიტიკურ ვითარებაზე, პოლიტიკურ და ფინანსურ რეპრესიებზე, რომელსაც ხელისუფლება საქართველოში აწარმოებს.
"რუსული კოშმარი, რომელიც ჩვენ ვნახეთ, ბრუნდება 21-ე საუკუნეშიც. ჩვენი ერი დღეს რეპრესიების ქვეშაა. ჟურნალისტები, სამოქალაქო აქტივისტები, პოლიტიკოსები, მიჰყავთ პოლიციაში და გაყალბებულ ბრალდებებს უყენებენ. ახლა, როდესაც აქ ვდგავარ ერთ- ერთ ცნობილი ხელოვანის სასამართლო მიმდინარეობს და მას შეიძლება 11 წელი მიუსაჯონ იმის გამო, რომ ის მშვიდობიანად აპროტესტებდა. ხელისუფლება იყენებს რუსულ ტაქტიკას, ისინი იარაღად იყენებენ პოლიციას, მართლმსაჯულებას მოქალაქეების წინააღმდეგ.
ცნობილი შემთხვევაა ჟურნალისტ მზია ამაღლობელის საქმე, სტუდენტებს ბრალს სდებენ, რომ მონაწილეობდნენ ჯგუფურ ძალადობაში. ეს ადამიანები არ არიან კრიმინალები, ისინი არიან უბრალო მოქალაქეები, რომლებსაც სჯერათ თავისუფლების და მომავლის.
დემოკრატიული მომავლის რწმენა დღეს საკმარისია იმისთვის, რომ ციხეში ჩაგსვან." განაცხადა სალომე ზურაბიშვილმა.
