გიორგი ჩიკვაიძის სასამართლო პროცესი მოსამართლე იზა კელენჯერიძემ 17 აპრილამდე გადადო.
დღეს ასევე ცნობილი გახდა, რომ მოშიმშილე პატიმრის ჯანმრთელობის მდგომარეობის გამო მისი სასამართლოში ეტაპირება სარისკო იყო. ჩიკვაიძეს დისტანციურად ჩართვის უფლებითაც არ უსარგებლია.
დღევანდელ პროცესზე ბრალდების მხარეს ჰქონდა შუამდგომლობა, რომ პროცესები პენიტენციურ დაწესებულებაში გამართულიყო, თუმცა მოსამართლემ დაცვის შუამდგომლობა დააკმაყოფილა და სასამართლო პროცესი გადადო.
დღეს საქალაქო სასამართლოში ბიზნესმენ გიორგი ჩიკვაიძის პროცესი იყო ჩანიშნული. ჯანმრთელობის მძიმე მდგომარეობის მიუხედავად, ჩიკვაიძე პროცესზე დასწრებას ითხოვდა, თუმცა მას ამის შესაძლებლობა არ მიეცა.
