თბილისის საქალაქო სასამართლომ აქტივისტი გაფარ ილმაზიზი, იგივე თემურ ქათამაძე „ვივამედის“ დირექტორის, ნინო ნადირაძისთვის სიტყვიერ შეურაცხყოფის მიყენების ფაქტზე სამართალდამრღვევად ცნო და 2 800 ლარით დააჯარიმა.
ნინო ნადირაძემ ბათუმელ მედროშეს სასამართლოში უჩივლა. ის თემურ ქათამაძეს ფიზიკური დ სიტყვიერი შეურაცხყოფის მიყენებაში ადანაშაულებდა.
გამოძიების ცნობით,, ინციდენტი იმ დროს მოხდა, როცა ქათამაძე მიგრაციის დეპარტამენტიდან კლინიკა „ვივამედში“ მიიყვანეს, სადაც მას შიმშილობის შემდეგ პროტოკოლით გათვალისწინებული მკურნალობა უნდა ჩატარებოდა. გამოძიების ცნობით, შემთხვევა 6 მარტს მოხდა.
თემურ ქათამაძე დღეს ნინო ნადირაძისთვის, როგორც სიტყვიერი შეურაცხყოფის მიყენებას, ისე ფეხის მოქნევას უარყოფდა და ამბობდა, რომ მათ ინცინდენტი მკურნალობის მეთოდზე მოხდა.
თემურ ქათამაძეს ამ დროისთვის შიმშილობა შეწყვეტილი აქვს. ის კლინიკიდან კვლავ შსს-ს მიგრაციის დეპარტამენტის დროებითი მოთავსების ცენტრში იმყოფება. გამოძიების ინფორმაციით, ქათამაძე კანონიერი საფუძვლის გარეშე იმყოფება საქართველოში, არ აქვს მოქალაქეობა, ბინადრობის ნებართვა და მოითხოვენ მის გაძევებას.
