ევროკომისიის პრეზიდენტმა ურსულა ფონ დერ ლაიენმა თურქეთს ქალაქ სტამბოლის მერის ეკრემ იმამოღლუს დაპატიმრების ფონზე დემოკრატიული ნორმების დაცვის აუცილებლობის შესახებ ილაპარაკა.
ამის შესახებ მან ბრიუსელში 19 მარტს გამართულ პრესკონფერენციაზე განაცხადა.
ფონ დერ ლაიენმა თქვა, რომ სტამბულის მერის დაკავება "ღრმა შეშფოთებას იწვევს".
„როგორც ევროპის საბჭოს წევრმა და როგორც ევროკავშირის წევრობის კანდიდატმა ქვეყანამ, თურქეთმა მხარი უნდა დაუჭიროს დემოკრატიულ ღირებულებებს, განსაკუთრებით არჩეული თანამდებობის პირების უფლებებს. ასე რომ, ჩვენ გვინდა, რომ თურქეთი დარჩეს ევროპის ერთგული, მაგრამ ეს მოითხოვს მკაფიო ერთგულებას დემოკრატიული ნორმებისა და პრაქტიკის მიმართ და ძალიან მნიშვნელოვანია, რომ თურქეთი პატივს სცემდეს ამ ფუნდამენტურ პრინციპებს”, -თქვა ფონ დერ ლაიენმა.
სამართალდამცავებმა სტამბოლის მერი ეკრემ იმამოღლუ კორუფციის ბრალდებით დღეს, დილით დააკავეს. იმამოღლუ რეჯეფ თაიფ ერდოღანის მთავარ კონკურენტად მიიჩნევა. მერის დაკავებას თურქეთში საპროტესტო აქციები მოჰყვა.
