"დემოკრატიული მოძრაობა - ერთიანი საქართველოს" ლიდერის ნინო ბურჯანაძის შეფასებით, საქართველოს ეკონომიკა გადასარჩენია.
"ეკონომიკა გადასარჩენია - მინუსები გვაქვს ბევრი მიმართულებით. რამდენიმე წლის შემდეგ, ქვეყნის ეკონიმიკა შესაძლოა მცირედით გაიზარდოს, მაგრამ მსოფლიო ეკონომიკასთან შეფარდებით ძალიან ჩამორჩენილები ვიქნებით", - განაცხადა ბურჯანაძემ მისი პარტიის ეკონომიკური პროგრამის პრეზენტაციის შემდეგ და აქვე დასძინა, რომ "დემოკრატიულ მოძრაობა - ერთიან საქართველოს" შესწევს რესურსი, ხელისუფლებაში ყოფნის შემთხვევაში, ეკონომიკა სწორი მიმართულებით წარმართოს.
მისივე განმარტებით, დღევანდელი ხელისუფლება მომავალი თაობების ხარჯზე ცხოვრობს და ის, რომ გზები იგება და ფასადები იღებება, სწორედ მომავალი თაობების რესურსების ხარჯზე ხდება.
ამასთან, ბურჯანაძის თქმით, პრეზენტაციაზე მოწვეულმა ექსპერტებმა, არასამთავრობო ორგანიზაციებისა და დიპლომატიური კორპუსის წარმომადგენლებმა მისი პარტიის ეკონომიკურ პროგრამას, რომელიც ეკონომისტების დახმარებით მომზადდა, "ძალიან მაღალი შეფასება მისცეს".