თეატრალური უნივერსიტეტი განცხადებას ავრცელებს, რომელშიც ნათქვამია, რომ რექტორი პროტესტის მონაწილე სტუდენტებს სტატუსს აღარ შეუწყვეტს.
„სტუდენტების, პედაგოგებისა და თანამშრომლების განცხადებების საფუძველზე, უნივერსიტეტის საუკეთესო ინტერესებიდან გამომდინარე, რექტორმა მიიღო გადაწყვეტილება არ გამოიყენოს სტუდენტების მიმართ დისციპლინური პასუხისმგებლობის უკიდურესი ზომა - სტატუსის შეწყვეტა," - ნათქვამია სოციალურ ქსელში გავრცელებულ ინფორმაციაში.
მანამდე კულტურის მინისტრის მოადგილე ბექა დავითულიანმა განაცხადა, რომ „თეატრალური უნივერსიტეტის რექტორმა მიიღო სწორი გადაწყვეტილება, აღუდგინა შეჩერებული სტატუსი სტუდენტებს”.
