აშშ-ის პრეზიდენტმა, დონალდ ტრამპმა თეთრი სახლის ეზოში Tesla-ს მანქანა შეიძინა. მან წითელი ფერის სედანი Model S აარჩია.
Tesla-მ თეთრ სახლთან მიიყვანა თავისი ხუთი მანქანა და გააჩერა ეზოში, რათა ტრამპს შეძლებოდა შემოწმება და არჩევა
ამით დონალდ ტრამპმა მხარდაჭერა გამოუცხადა თავისი მოკავშირის, ილონ მასკის ელექტრომობილების მწარმოებელ კომპანიას, რომლის აქციების ფასი და გაყიდვები ტრამპისა და მისი ადმინისტრაციის პოლიტიკის ფონზე დაეცა.
პრეზიდენტმა აღნიშნა, რომ მანქანას თეთრ სახლში დატოვებს, რათა თანამშრომლებმა მისი გამოყენება შეძლონ.
მოგვიანებით, ბიზნესმენებთან შეხვედრისას ტრამპმა თქვა, რომ ილონ მასკი არ უნდა ზარალდებოდეს იმის გამო, რომ მთავრობის დახმარება სურს.
Tesla-ს აქციები ტრამპის ადმინისტრაციაში მასკის დანიშვნის შემდეგ ყოველ კვირას ეცემა, ორშაბათს კი ის 15%-ით დაეცა.
