ევროკომისიის პრეზიდენტმა ურსულა ფონ დერ ლაიენმა განაცხადა, რომ კონტაქტები მის ოფისსა და აშშ-ის ადმინისტრაციას შორის გრძელდებ. მისივე თქმით, ექნება პირადი შეხვედრა აშშ-ის პრეზიდენტ დონალდ ტრამპთან, როცა ამისთვის შესაფერისი დრო იქნება.
ფონ დერ ლაიენს მიაჩნია, რომ ის ინარჩუნებს კონტაქტების საკმარის დონეს შეერთებულ შტატებთან და ჯერ არ დადგა დრო ტრამპთან პირადი შეხვედრისთვის.
„ვფიქრობ, როცა დრო მოვა, პირადი შეხვედრა გვექნება. ამჟამად ეს მდგომარეობაა“, - თქვა ევროკომისიის პრეზიდენტმა ჟურნალისტების კითხვაზე, აპირებს თუ არა აშშ-ის პრეზიდენტთან შეხვედრას.
მან გაიხსენა, რომ პირველად შეხვდა ამერიკის პრეზიდენტ, როდესაც მისი პირველი ვადის ბოლო წელი იყო, მისთვის კი პირველი ვადის დასაწყისი.
„ასე რომ, ჩვენ უკვე შევხვდით. გვქონდა სატელეფონო საუბარი. ასევე ვისაუბრეთ G7-ის სხვა წევრებთან ვიდეოკავშირით. ასე რომ, არის კონტაქტები”, - თქვა ურსულა ფონ დერ ლეიენმა.
