აშშ-ის პრეზიდენტმა დონალდ ტრამპმა განაცხადა, რომ არ სჯერა, რომ რუსეთის პრეზიდენტი ვლადიმირ პუტინი დაარღვევს "სამშვიდობო შეთანხმებას", რომელიც შეიძლება მიღწეული იქნას უკრაინაში ომის დასასრულებლად.
ამის შესახებ მან ბრიტანეთის პრემიერ მინისტრთან კირ სტარმერთან შეხვედრის წინ ჟურნალისტებს განუცხადა.
შეკითხვაზე, სჯერა თუ არა ტრამპს, რომ პუტინი არ დაარღვევს შეთანხმებას, აშშ-ის პრეზიდენტმა უპასუხა: „ვფიქრობ, ის თავის სიტყვას შეასრულებს. მე მას ვესაუბრე, დიდი ხანია ვიცნობ მას“.
„მე მას [პუტინს] დიდი ხანია ვიცნობ და არ მჯერა, რომ სიტყვას გატეხს.
როდესაც შეთანხმდებას დავდებთ, ვფიქრობ, რომ შეთანხმება შესრულდება“, - თქვა ტრამპმა.
ამერიკის პრეზიდენტმა თქვა, რომ არ ფიქრობს, რომ „გვექნება პრობლემები შეთანხმების შესრულებასთან დაკავშირებით, უსაფრთხოებასთან დაკავშირებით“.
