რუსეთის მიერ ანექსირებულ უკრაინის ტერიტორიებს კრემლის სპიკერმა დმიტრი პესკოვმა, „რუსეთის განუყოფელი ნაწილი“ უწოდა.
„ის ტერიტორიები, რომლებიც გახდა რუსეთის ფედერაციის სუბიექტები, რომლებიც ჩაწერილია ჩვენი ქვეყნის კონსტიტუციაში, ისინი ჩვენი ქვეყნის, რუსეთის განუყოფელი ნაწილია. ეს არის აბსოლუტურად უდავო ფაქტი, უდავო ფაქტი“, - განაცხადა რუსეთის პრეზიდენტის პრესსპიკერმა ბრიფინგზე.
ჟურნალისტებმა პესკოვს ასევე ჰკითხეს, გავლენას მოახდენს თუ არა აშშ-ის პრეზიდენტის დონალდ ტრამპის დაპირება „უკრაინისთვის რაც შეიძლება მეტი ტერიტორიის დაბრუნების“ შესახებ სამშვიდობო მოლაპარაკებებზე.
კრემლის წარმომადგენლის თქმით, თუ რუსეთისა და შეერთებული შტატების პოლიტიკური ნება შენარჩუნდება, შესაძლებელი იქნება „უკრაინის საკითხის მოგვარების პროცესის გავლა“.
პესკოვმის თქმით, არავინ ელის "ადვილ და სწრაფ" გადაწყვეტილებებს.
„რაც ჩვენ ვხედავთ არის ის, რომ პრეზიდენტი ტრამპი თავად საუბრობს და მზადაა მოუსმინოს სხვებს.
ეს ძალიან მნიშვნელოვანია და ეს ძირეულად განასხვავებს ვაშინგტონის ამჟამინდელ ადმინისტრაციას წინა ადმინისტრაციისგან, არავინ მოელის, რომ გადაწყვეტილებები იქნება მარტივი და სწრაფი, მაგრამ თუკი ორი ქვეყნის პოლიტიკური ნება, ერთმანეთის მოსმენისა და მოსმენის მზადყოფნა შენარჩუნდება, ჩვენ შევძლებთ ამ სამუშაო პროცესის გავლას“, - განაცხადა პესკოვმა.
