ბურჯანაძის პარტიამ სასტუმრო "ქორთიარდ-მარიოტში" საკუთარი ეკონომიკური პროგრამა წარმოადგინა.
"საქართველო კოლონიალური სახელმწიფოს რეჟიმში იმყოფება. ჩვენი ეკონომიკა უმძიმეს დღეში იმყოფება. ქვეყანა იმაზე მეტს მოიხმას, ვიდრე აწარმოებს, მიუხედავად იმისა, რომ აგრარული სახელმწიფო ვართ. ჩვენ გვაქვს კონკრეტული გეგმა, რომლის ძირითად დებულებებში გაწერილია ის, რითაც საქართველოს ეკონომიკის გადარჩენა უნდა მოხდეს", - განაცხადა ბურჯანაძემ პრეზენტაციის დაწყებისას.
უშუალოდ ეკონიმიკური პროგრამის ძირითადი მიმართულებები კი ასეთია: უარის თქმა ხელისუფლების მიერ დე-ფაქტო დამკვიდრებულ პრინციპზე, რომ მოსახლეობის უმეტესმა ნაწილმა სიღარიბეში იცხოვროს, ისეთი ეკონომიკის მშენებლობა, რომელის საშუალებას მისცემს ჩვენს მოქალაქეებს აქტიურად ჩაერთონ მცირე ბიზნესში - ადამიანებისთვის საკუთარი შრომით მოპოვებულის განკარგვისა და სხვადასხვა აუცილებელი საჭიროებისთვის სახსრების დაგროვების შესაძლებლობის მიცემა, სოფლის მეურნეობაზე ორიენტირება: მიწათმესაკუთრეობის პრესტიჟულად გახდომა და ადამიანის, რომელიც მიწას ამუშავებს და დოვლათს ქმნის სათანადოდ დაფასება, ინოვაციური ტექნოლოგიების დანერგვა - მოქალაქეებისთვის კვალიფიციური ცოდნის და განათლების მიცემა, ინოვაციური ტექნოლოგიების გამოყენებით ნედლეულის მოპოვება, გადამუშავება, მსოფლიო ბაზრისთვის მოთხოვნად პროდუქტად ქცევა და შემდგომი რეალიზაცია - ბუნებივი სიმდიდრეების ხალხის ინტერესბეის გათვალისწინებით გამოყენება, ეკონომიკის დარგებისა და წარმოების ხელშეწყობა, "ხანძრის ჩაქრობის" ეკონომიკიდან პროგნოზირებად ეკონომიკაზე გადასვლა, რაც ქვეყანაში საშუალო ფენის გადარჩენას განაპირობებს, წარმოება-მოხმარების ჯერ გათანასწორება, შემდეგ ბალანსის დადებითად ზრდა, ადამიანებისთვის კანონიერად მიღებული შემოსავლების განკარგვის საშუალების მიცემა, სახელმიფოსა და მოქალაქეებს, სახელმწიფოსა და ბიზნესს შორის დღეს არსებული ურთიერთობების შეცვლა - ხელსუფლებას მოუწევს მტკიცე არგუმენტების დადება იმისთვის, რომ ეჭვი იქნას შეტანილი ბიზნესმენისა თუ ინდმეწარმის საქმიანობის კანონიერებაში, სახელმწიფოს მდგრადი, სტაბილური განვითარების მიღწევა.
პარტიის ლიდერის განმარტებით, პროგრამაში ისიც გაწერილია, თუ როგორ უნდა მოხდეს ძირითადი დებულებების შესრულება, თუმცა ბურჯანაძის თქმით, ის ექსპერტებისა და სპეციალისტების შენიშნვნების გათვალისწინებით უფრო დაიხვეწება.
აღსანიშნავია, რომ ბურჯანაძის პარტიის ეკონომიკური პროგრამის პრეზენტაციას ექსპერტები, დიპლომატიური კორპუსის და არასამთავრობო ორგანიზაციების წარმომადგენლები ესწრებიან.
დემოკრატიულმა მოძრაობამ უკვე წარმოადგინა უსაფრთხოების კონფეფცია და სოციალური სფეროს მიმართულებით საკუთარი ხედვა.