რუსი და ამერიკელი დიპლომატები 27 თებერვალს სტამბულში შეხვდებიან, რათა განიხილონ ორი ქვეყნის საელჩოების მუშაობასთან დაკავშირებული პრობლემები. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.
„ასეთი შეხვედრა ხვალ სტამბოლში გაიმართება“, - განაცხადა რუსეთის საგარეო საქმეთა მინისტრმა კატარში ვიზიტის შემდეგ გამართულ პრესკონფერენციაზე.
„ჩვენ გამოვაცხადეთ, რომ ჩვენი დიპლომატები და მაღალი დონის ექსპერტები შეხვდებიან და შეისწავლიან სისტემურ პრობლემებს, რომლებიც დაგროვდა წინა [აშშ] ადმინისტრაციის უკანონო ქმედებების შედეგად, ხელოვნური დაბრკოლებების შექმნით რუსეთის საელჩოს საქმიანობაში, რასაც ჩვენ, ბუნებრივია, ვუპასუხეთ და ასევე შევქმენით არასასიამოვნო პირობები მოსკოვში ამერიკის საელჩოს მუშაობისთვის“, - განაცხადა ლავროვმა.
მისი თქმით, გაყინული რუსული აქტივების საკითხს „არანაირი კავშირი არ აქვს საელჩოების ფუნქციონირებასთან“, რადგან „აქტივების საკითხი სახელმწიფო დონეზეა“.
