უკრაინის პრეზიდენტმა ვოლოდიმირ ზელენსკიმ სატელეფონო საუბარი გამართა ბრიტანეთის პრემიერ-მინისტრთან კირ სტარმერთან, რის შემდეგაც მან ხაზი გაუსვა, რომ ომის დასასრულებლად ევროპა უნდა იყოს მოლაპარაკების მაგიდასთან. ამის შესახებ ზელენსკი Х-ზე წერს
"როგორც ყოველთვის, პროდუქტიული საუბარი იყო დიდი ბრიტანეთის პრემიერ-მინისტრ კირ სტარმერთან.
ევროპა უნდა იყოს მოლაპარაკების მაგიდასთან, რათა დასრულდეს ომი და შეიქმნას უსაფრთხოების გრძელვადიანი გარანტიები. უკრაინის უსაფრთხოება განუყოფელია ევროპის უსაფრთხოებისგან.
ჩვენ შევთანხმდით სამხედრო თანამშრომლობაზე, ერთობლივ ნაბიჯებსა და აქტივობებზე მომავალი კვირისთვის, რომელიც იქნება ძალიან აქტიური.
დიდი ბრიტანეთი და მისი ხალხი უკრაინის უდიდესი მხარდამჭერები არიან. ჩვენ ნამდვილად ვაფასებთ ამას", - წერს ზელენსკი.
