ჰამასის მებრძოლებმა შაბათს, 22 თებერვალს კიდევ ექვსი ისრაელელი მძევალი გაათავისუფლეს.
მძევლები ღაზის სექტორში წითელი ჯვრის წარმომადგენლებს გადასცეს. ისრაელელმა სამხედროებმა დაადასტურეს, რომ გათავისუფლებულიდან ხუთი უკვე ისრაელში იმყოფება.
წვიმისა და ტალახის მიუხედავად, ათეულობით ადამიანი, შეიკრიბა ცერემონიაზე რაფაში მძევლების პირველი გადასაცემად. შეკრებილებს იყვნენ ბავშვებიც.
მძევლები სცენაზე გამოიყვანეს და შემდეგ გაათავისუფლეს.
პირველად გაათავისუფლეს 40წლის ტალ შოჰამი, რომელსაც აქვს ისრაელისა და ავსტრიის ორმაგი მოქალაქეობა, და 39 წლის ავერა მენგისტუ. შოჰამი 2023 წლის 7 ოქტომბერს დაატყვევეს მენგისტუ კი ტყვეობაში 10 წლის განმავლობაში იმყოფებოდა. ის მას შემდეგ დაატყვევეს, რაც გაურკვეველ ვითარებაში ღაზის სექტორში მოხვდა.
მოგვიანებით, ჰამასმა გაათავისუფლა კიდევ სამი ისრაელელი მძევალი. ისინი წითელ ჯვარს გადასცეს ლტოლვილთა ბანაკში ნუსეირატში.
გათავისუფლებულები არიან ისრაელელები 27წლის ელია კოენი, 22 წლის ომერ შემ ტოვი და 23 წლის ომერ ვენკერტი. ისინი 2023 წლის 7 ოქტომბერს დაატყვევეს.
გარკვეული პერიოდის შემდეგ, მეექვსე გათავისუფლებული პირი წითელი ჯვრის წარმომადგენლებს გადასცეს. მედიის ცნობით, ის არის 36 წლის ისრაელელი ბედუინი ჰიშამ ალ-საიდი, რომელიც ასევე მძევლად იყო 10 წლის განმავლობაში.
სანაცვლოდ ისრაელი დათანხმდა ციხიდან 602 დაკავებული პალესტინელის გათავისუფლებას.
პირველი ეტაპის ფარგლებში, რომელიც 2 მარტამდე გაგრძელდება, სულ 25 ისრაელელი უნდა გათავისუფლდეს და რვა ადამიანის ცხედარი გადაეცეს.
ისრაელის ხელისუფლება კიდევ ოთხი ცხედრის მიღებას ელოდება.
Reuters-ის ცნობით, „ჰამასის“ მებრძოლებმა შაბათს განაცხადეს, რომ მზად არიან გადავიდნენ შეთანხმების მეორე ფაზაზე და გააგრძელონ მძევლების გაცვლა.
