აშშ-ის კონგრესში შეიტანეს პროექტი, რომელიც აშშ-ის მიერ გაერო-ს დატოვებას ითვალისწინებს. ამის შესახებ Fox News წერს.
Fox News-ის ცნობით, პროექტი, რომლის ავტორია რესპუბლიკელი სენატორი მაიკ ლი, ითვალისწინებს 2025 წელს აშშ-ის მიერ გაერო-სა და მასთან დაკავშირებული ყველა სააგენტოდან გასვლას, ასევე ამ უწყებების დაფინანსების შეწყვეტას.
გარდა ამისა, ცნობილია, რომ წარმომადგენელთა პალატაში მსგავსი პროექტის შეტანა სურს ტეხასელ რესპუბლიკელ ჩიპ როის.
„გაერო იქცა ტირანების მოედნად და ამერიკისა და მისი მოკავშირეების წინააღმდეგ თავდასხმის ადგილად. ჩვენ უნდა შევწყვიტოთ ამის დაფინანსება. ახლა, როდესაც პრეზიდენტი ტრამპი ახდენს რევოლუციას ჩვენს საგარეო პოლიტიკაში ამერიკის პირველ ადგილზე დაყენებით, ჩვენ უნდა დავშორდეთ ამ მოჩვენებით ორგანიზაციას და პრიორიტეტი მივცეთ რეალურ ალიანსებს, რომლებიც მუშაობენ ჩვენი ქვეყნის უსაფრთხოებისა და კეთილდღეობისთვის“, - თქვა ლიმ.
ჩიპ როის არგუმენტის თანახმად კი, რომ გაერო "არაფერს იძლევა".
„მიუხედავად მთელი ფულისა და ყურადღებისა, ამ კორუმპირებულმა გლობალურმა ორგანიზაციამ ათწლეულების განმავლობაში ვერ შეძლო ომების, გენოციდების, ადამიანის უფლებების დარღვევისა და პანდემიების თავიდან აცილება“, - თქვა ჩიპ როიმ.
ამასთან, მან გაიხსენა გაერო-ს პალესტინელ ლტოლვილთა დახმარების სააგენტოსთან [UNRWA] დაკავშირებულ სკანდალი, რომლის ზოგიერთი თანამშრომელი ისრაელზე ჰამასის თავდასხმის შესაძლო მონაწილე ყოფილიყო.
