შეერთებული შტატები უარს ამბობს გაერო-ს გენერალური ასამბლეის რეზოლუციის პროექტის თანასპონსორობაზე, რომელიც აღნიშნავს უკრაინაში რუსეთის შეჭრის სამ წელს, მხარს უჭერს კიევის ტერიტორიულ მთლიანობას და გმობს რუსეთის აგრესიას. იუწყება Reuters.
გამოცემის ცნობით,რეზოლუციის პროექტი გმობს "რუსეთის აგრესიას" და ადასტურებს ერთგულებას "უკრაინის სუვერენიტეტის, დამოუკიდებლობის, ერთიანობისა და ტერიტორიული მთლიანობის მიმართ მის საერთაშორისოდ აღიარებულ საზღვრებში".
"წინა წლებში, შეერთებული შტატები მუდმივად თანასპონსორობდა მსგავს რეზოლუციებს, რათა მხარი დაეჭირა უკრაინაში სამართლიანი მშვიდობისთვის" - თქვა ერთ-ერთმა წყარომ.
Reuters-ის ინფორმაციით, რეზოლუციის აღნიშნულ პროექტს 50-ზე მეტმა ქვეყანამ დაუჭირა მხარი.
