საუდის არაბეთში რუსეთისა და შეერთებული შტატების წარმომადგენლებს შორის მოლაპარაკებები უკრაინის მონაწილეობის გარეშე მიმდინარეობს, უკრაინის სახელმწიფო არასოდეს მიიღებს რუსეთის ულტიმატუმებს. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
მან განმარტა, რომ როდესაც, სრულმასშტაბიანი შეჭრის დასაწყისში, სხვადასხვა ქვეყნიდან დაიწყო დახმარების გაგზავნა უკრაინაში, რუსეთის ფედერაციამ იმ მომენტში წაუყენა ულტიმატუმი, კონკრეტულად, უკრაინის შეიარაღებული ძალების რაოდენობის შემცირება, უკრაინის ოკუპირებული ტერიტორიების რუსეთის შემადგენლობაში აღიარება. რუსეთის ფედერაციას ასევე სურდა, რომ უკრაინაში პრრუსლი ხელიუფლება დაესვა.
„ისეთი შთაბეჭდილება მრჩება, რომ ახლა რაღაც მოლაპარაკებები იგივე განწყობით მიმდინარეობს, მაგრამ მიმდინარეობს რუსეთისა და ამერიკის შეერთებული შტატების წარმომადგენლებს შორის.
უკრაინაზე, ისევ უკრაინაზე და უკრაინის გარეშე. მაინტერესებს, თუ ჩვენ არ დავთანხმდით ყველა ამ ულტიმატუმს ყველაზე რთულ მომენტში, რატომ ჰგონიათ, რომ უკრაინა ახლა დათანხმდება ამას“, - განაცხადა ზელენსკიმ ანკარაში.
მისი თქმით, არანაირი თანხმობა არ იყო რუსებთან შეხვედრისას კიევის რეგიონის ოკუპაციის დროს, არანაირი თანხმობა იყო ბელარუსში შეხვედრისას, და არანაირი თანხმობა იყო თურქეთში გამართული შეხვედრების დროს.
"როგორც უკრაინის პრეზიდენტს, მე არასდროს მიმიცია არანაირი გარანტიები ვინმესთვის ან დამიდასტურებია რაიმე. უფრო მეტიც, მე არასდროს მქონდა განზრახული, რუსეთის ულტიმატუმები მიმეღო და ამას არც ვაპირებ". - აღნიშნა ზელენსკიმ.
